دوشموشم چوخداندی بیر درده دوا مشتاقی ام

دوشموشم چوخداندی بیر درده دوا مشتاقی ام		غصه دن خشکیده نی تک بیر نوا مشتاقی ام
مجلس غمده وجودیم آز قالور پامال اولا		بیر محل با صفا و خوش هوا مشتاقی ام
یئتموری دامان وصل یاره، پا لنگم، الیم		عرض حال ائتماقلیقا باد صبا مشتاقی ام
بی وفا اغیار الینده لاله تک دل داغلیام		بیر نگار دلربا و با صفا مشتاقی ام
قلزم حیرتده وورام غوطه، هر شام و سحر		من او غوّاصم کی دُرّ پربها مشتاقی ام
آختارار پروانه شمعی بلبل شیدا گولی		من طواف مرقد موسی الرضا مشتاقی ام
بیر جماعت حسرت جنتله گوزیاشی توکر		من خدا عالِمدی ایوان طلا مشتاقی ام
باغریمی مدتدی درد عشقیله قان ائتمیشم		ظلمیله مسموم اولان بیر پیشوا مشتاقی ام
سرفراز اولاّم قویام یوز بیرده پاین پایینه		پیش رو بالای سر پایین پا مشتاقی ام
آرزومندم دورام بالای سرده عرض ائد		ای قتیل زهر کین سندن عطا مشتاقی ام
لیسته درگاه خدادن السون قسمت منه		جدّیوین قبرین کی هر صبح و مسا مشتاقی ام
ائتمرم بیر عمر فردوس اعلا حسرتین		بیر فراته تشنهیم بیر کربلا مشتاقی ام
روز و شب وردیم حسین ذکریم حسین فکریم حسین		من حسین بیماری ام خاک شفا مشتاقی ام
اوچ وجود نازنینین بیر مقدس بقعه ده		حسرت پابوسی ام من ای خدا مشتاقی ام
شأنی اکبر، آدی اصغر، بستری آغوش شه		کوکب صبح شرف اُول مه لقا مشتاقی ام
آلتی گوشه بیر مزار پاکه دنیاده سبب		اکبر شهزادهی گلگون قبا مشتاقی ام
خیمه گاهین عشقی صبریم خیمه سین تاراج ائدوب		بیر حنالی خیمه ده نوکدخدا مشتاقی ام
روضه ی باب الحوائج حضرت عباسیده		دوتماقا بو جمعیلم بزم عزا مشتاقی ام
بسدی بیر دفعه بویورسا: نوکریمدور بو «شهاب»		الّی ایلدور نوکرم بیر بو ندا مشتاقی ام